У Новай Зеландыі адбылося першае ў гісторыі пастафарыянскае вяселле
Парадыйная Царква Лётаючага Макароннага Монстра правяла першае легальна аформленае вяселле. Маладыя бралі шлюб у пірацкіх касцюмах у новазеландскім горадзе Акароа.
Тобі Рыкетс і Мар'яна Фен Янг заявілі, што, згодна з правіламі іх «рэлігіі», жаніх і нявеста павінны быць піратамі.
Царква Лётаючага Макароннага Монстра (таксама вядомая як пастафарыянства) была прыдуманая фізікам Бобі Хендэрсанам у 2005 годзе. Адэпты парадыйнай рэлігіі сцвярджаюць, што свет быў створаны макаронным монстрам, а людзі пайшлі ад піратаў.
У сакавіку ўлады Новай Зеландыі афіцыйна прызналі пастафарыянства ў якасці рэлігійнай канфесіі і дазволілі праводзіць вяселлі паводле пастафарыянскага абраду.
Па словах кіраўніка вясельнай цырымоніі Карэн Марцін, у бліжэйшы час плануецца правесці яшчэ некалькі вяселляў, у тым ліку і сярод аднаполых пар.
«Да мяне звярталіся людзі з Расіі, з Германіі, з Даніі з просьбай абвянчаць іх у царкве, бо наша філасофія адмаўляе дыскрымінацыю», — заявіла яна.
У студзені гэтага года прыхільніку пастафарыянства з Масквы прыгразілі забараніць выкарыстоўваць правы кіроўцы, на якіх ён сфатаграфаваны з вязаным друшляком на галаве.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім7
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары