Расія правядзе ў Сірыі працы па аднаўленні інфраструктуры, а таксама прадаставіць паліва для сірыйскіх электрастанцый, заявіў РІАН прэм'ер-міністр Сірыі Ваіль аль-Халікі.
«Расійскі бок адгукнулася на ідэю аднаўлення інфраструктуры, у сувязі з чым было падпісана мноства ўгод з расейскім бокам, сярод іх пагадненні на суму ў 600 мільёнаў еўра і 250 мільёнаў еўра», — сказаў ён.
Па словах прэм'ера, больш за палову электрастанцый у краіне цяпер не працуюць, бо для іх няма паліва.
«Аднак, нягледзячы на тое, што зведала Сірыя, яна здолела захаваць інфраструктуру. Засталася сетка, якая злучае поўнач — ад Камышлы — і поўдзень — да Дэраа. Электрычнасць дагэтуль падаецца. Аднак вытворчасць электрычнасці абапіраецца на паліва, а нафтавы сектар зведаў нават большы тэрарызм, чым сектар электраэнергетыкі», — заявіў ён.
Паводле слоў прэм'ер-міністра, Сірыя таксама можа стаць досыць буйным рынкам збыту для расійскіх аўтавытворцаў. У прыватнасці, улады гатовыя аднавіць перамовы аб супрацоўніцтве з канцэрнам «АўтаВАЗ».
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары