Пуцін не ўхваляў ідэю Лукашэнкі падтрымліваць беларускіх аграрыяў з тым, каб яны экспартавалі ў Расію бананы. Дзмітрый Пяскоў абверг рэзанансную заяву Лукашэнкі, назваўшы яе жартам.
Прэс-сакратар прэзідэнта Дзмітрый Пяскоў абверг інфармацыю пра тое, што Уладзімір Пуцін нібыта падтрымліваў ідэю Аляксандра Лукашэнкі фінансаваць беларускіх аграрыяў для вытворчасці бананаў з наступным экспартам у Расію.
«Гэта быў жарт на жарт», — сказаў Пяскоў РБК, не ўдаючыся ў далейшыя падрабязнасці.
Рэзанансную заяву беларускі прэзідэнт зрабіў у сераду ў Мінску на трэцім Форуме рэгіёнаў Расіі і Беларусі, пасля перамоваў з расійскім лідарам.
«Раскрыю невялікі сакрэт. У закрытым пасяджэнні ён (Пуцін) сказаў: давайце мы прафінансуем сады ў Беларусі. Калі ёсць магчымасць, хай лепш вашыя аграрыі вырошчваюць яблыкі і іншае аж да бананаў і прадаюць у Расію. Я падтрымліваю гэтую пазіцыю», - пераказаў журналістам Лукашэнка заяву Пуціна.
Пуцін гэтыя словы не каментаваў. У сваім выступе ён адзначыў, што палова экспартнай прадукцыі Беларусі ідзе на расійскі рынак, «але можа быць, яшчэ больш». «Калі некаторыя распачаць крокі, беларускія калегі могуць яшчэ больш пастаўляць», — выказаў надзею кіраўнік Расіі.
«Мы хочам мець беларускую прадукцыю, а не тую, што транзітам праходзіць», — адзначыў прэзідэнт Расіі.
Па дадзеных статыстыкі Федэральнай мытнай службы Расіі, за першую палову 2015 года Беларусь нарасціла імпарт санкцыйнага харчавання. За пяць месяцаў 2015 года яна завезла ў Расію 916,4 тыс. т тавараў, увоз якіх абмежаваны з некаторых краін, супраць 568,3 тыс. т за той жа перыяд мінулага года, лічылі спецыялісты маскоўскага Цэнтра міжнароднага гандлю. У выніку доля гэтай краіны па пастаўках санкцыйных прадуктаў харчавання ў Расію вырасла з 13,5 да 21%.
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3636
Каментары