Звольнены намеснік міністра ЖКГ Анатоль Шагун быў сакратаром управы БНФ, яго характарызуюць як вельмі сумленнага працаўніка
Учора стала вядома, што намесніка міністра ЖКГ Анатоля Шагуна знялі з пасады «ў сувязі з учыненнем праступка, несумяшчальнага са знаходжаннем на дзяржаўнай службе».
Цяпер высвятляюцца дастаткова цікавыя падрабязнасці біяграфіі спадара Шагуна. Аказваецца, што напрыканцы 1990-х ён нейкі час займаў пасаду сакратара ўправы БНФ.
«Гэта было дзесьці ў 1997—1999 гадах, увесь час быў у сядзібе на Варвашэні, — узгадвае фронтавец Аляксей Кавалец. – Калі адбыўся раскол у БНФ, то ён адышоў ад справаў. Шагун сімпатызаваў Пазняку і, магчыма, быў сябрам КХП-БНФ, але гэтага дакладна я сказаць не магу».
«Спакойны, нармальны хлопец. Калі езджу ў машыне, то слухаю радыё, дык неаднаразова чуў інтэрв’ю Анатоля Шагуна — даваў іх заўсёды на беларускай мове», — дзеліцца сваімі думкамі спадар Кавалец.
Памятае Шагуна па БНФ і перакладчык, педагог Лявон Баршчэўскі. «Гэта дысцыплінаваны і адказны чалавек — не дзіва, што ён выбіўся ў намеснікі міністра, бо надзвычай добры выканаўца. Ён стараўся не свяціцца, але размаўляў на мове, дапамагаў, чым мог», — кажа Баршчэўскі.
У «Моладзевай фракцыі БНФ» з Анатолем Шагуном перасякаўся і сустаршыня аргкамітэта БХД Павел Севярынец. «Гэта надзвычай прафесійны чалавек, сціплы, беларускі. Інтарэсы дзяржавы ён ставіць вышэй за свае асабістыя інтарэсы», — лічыць Павел Севярынец.
Цяпер чытаюць
Арыштаваны міністр прыродных рэсурсаў выбраў «стратэгію Брыло»1
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары