Паліцыя Мюнхена затрымала 16-гадовага сябра Давіда Алі Санбалы, які застрэліў дзевяць чалавек 22 ліпеня. Пра гэта паведамляе Der Spiegel.
Маладога чалавека, чыё імя не называецца, затрымалі 24 ліпеня. Па дадзеных выдання, увечары ў нядзелю дадому да юнака з'явіўся атрад спецназа з ордарам на арышт.
Сябра Санбалы падазраюць у тым, што ён не паведаміў паліцыі аб нападзе. Яго могуць прызнаць саўдзельнікам злачынства.
Як піша Der Spiegel, малады чалавек звярнуўся ў паліцыю ўжо пасля нападу Санбалы і паведаміў, што ведаў нападніка. Аднак у ходзе апытання ў паказаннях маладога чалавека былі выяўлены супярэчнасці.
Паліцыя таксама расследуе датычнасьці маладога чалавека да стварэння старонкі мерапрыемства ў фэйсбуку аб сустрэчы ў нядзелю ў кіно побач з вакзалам Мюнхена. Старонка мерапрыемства была падобная на заклік Санбалы сабрацца ў кафэ, дзе ён пазней пачаў стральбу.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары