У Ерэване ў раёне захопленага 17 ліпеня будынка палка патрульна-паставой службы чуваць страляніна. Паведамляецца пра гібель аднаго паліцэйскага.
«Служачы войскаў паліцыі 30-гадовы Юра Тепанасян быў забіты стрэлам снайпера з тэрыторыі, якая знаходзіцца пад кантролем ўзброенай групоўкі. Аўтамабіль знаходзіўся на адлегласці каля 400 метраў ад будынка паліцэйскага палка», — паведаміў Інтэрфаксу прэс-сакратар паліцыі Арменіі Ашот Агарунян.
За дзве гадзіны да гэтага скончыўся тэрмін ультыматуму, пастаўленага спецслужбамі ўзброенай групе.
У ноч на суботу ля захопленага ўчастка адбыліся сутыкненні паліцыі з дэманстрантамі, масавыя затрыманні і перастрэлка. Паведамляецца аб параненых з абодвух бакоў.
***
17 ліпеня група ўзброеных асоб ўварвалася на тэрыторыю патрульна-паставога палка паліцыі ў Ерэване, пратараніўшы грузавіком жалезную браму. Адзін паліцэйскі пры гэтым загінуў, некалькі атрымалі раненні.
Захопнікі патрабавалі вызваліць апазіцыйнага актывіста Жырайра Сефіляна і іншых людзей, якіх яны лічаць палітычнымі вязнямі, а таксама адправіць у адстаўку прэзідэнта Арменіі.
Пазней да будынка прыйшлі некалькі тысяч пратэстоўцаў з партрэтамі апазіцыйных палітыкаў і заклікамі скінуць прэзідэнта Сержа Саргсяна.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары