Упраўленне Следчага камітэта Мінска пачало крымінальную справу ў дачыненні да двух замежнікаў, якія абвінавачваюцца ў несанкцыянаваным капіяванні інфармацыі кліентаў банкаў.
Напрыканцы ліпеня абвінавачаныя прыляцелі на самалёце ў Мінск і размясціліся ў адной з гасцініц горада. Пасля ўстанавілі на адным з банкаматаў у цэнтры сталіцы скімер, прызначаны для капіявання інфармацыі з банкаўскіх картак.
Давесці злачынны намер да канца мужчынам не дазволілі супрацоўнікі міліцыі, якія затрымалі іх у момант, калі замежнікі здымалі прыладу з банкамата.
У цяперашні час з абвінавачанымі працуюць следчыя. Замежнікі не валодаюць ні рускай, ні беларускай мовамі. Усе следчыя дзеянні з іх удзелам ідуць у прысутнасці перакладчыка.
Затрыманых узялі пад варту. Расследаванне працягваецца.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі6
Каментары