Чарговай ахвярай Алімпіяды ў Рыа стаў армянскі штангіст ВІДЭА
Штангіст з Арменіі Андранік Карапецян у сераду папоўніў шэрагі ахвяр Алімпіяды ў Рыа-дэ-Жанейра, атрымаўшы жудасную траўму ў турніры па цяжкай атлетыцы ў вагавай катэгорыі да 77 кг. Дзейны чэмпіён Еўропы вывернуў локцевы сустаў у адваротны бок, няўдала апусціўшы штангу.
У практыкаванні штуршок пры ўздыме з падсіду 20-гадовы цяжкаатлет не справіўся са 195-кілаграмовым снарадам, і яго левы локаць развярнуўся пад ненатуральным вуглом. Гледачы пачулі страшнае храбусценне.
Карапецян з крыкам выпусціў штангу і пакінуў памост у суправаджэнні лекараў, пакуль трэнер атлета ў жаху трымаўся за галаву.
18+
Карапецян быў адным з фаварытаў алімпійскага турніру цяжкаатлетаў ў гэтай вагавай катэгорыі, адзначае Mirror.
Цяпер у армянскага спартсмена наперадзе — складанае абследаванне. Лекары павінны вывучыць характар траўмы і зрабіць свой прагноз. Пакуль невядома, ці зможа ён працягнуць сваю спартыўную кар'еру.
Нагадаем, што ў першы дзень Алімпіяды-2016 французскі гімнаст Самір Айт Саід зарабіў цяжкі пералом галёнкі падчас выканання апорнага скачка.
Затым галандская велагоншчыца Анэмік ван Улютэн зламала пазваночнік у выніку падзення падчас групавой шашэйнай гонкі, у якой яна лідзіравала.
У тым жа месцы ўпаў і атрымаў двайны пералом ключыцы лідар аналагічнай мужчынскай гонкі італьянец Вінчэнца Нібалі.
-
У Турцыі падчас футбольнага матча мяч трапіў у чайку. Але загінуць птушцы не далі
-
Спецпрадстаўнік Пуціна пра фінал Алімпіяды: Зборная ЗША перамагла свой будучы 52‑і штат. Адзін з апошніх хакейных матчаў паміж ЗША і Канадай
-
Леброн Джэймс першым у гісторыі НБА набраў 43 000 балаў у рэгулярных чэмпіянатах
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары