Мінінфарм атрымаў долю ў «Радыё Бі Эй», «Рускім Радыё» і «Космас ТБ»
Міністэрства інфармацыі стала ўладальнікам доляў у дзвюх радыёстанцыях і адным кабельным аператары Беларусі. Гэта вынікае з пастановы Савета міністраў № 794 ад 30 верасня.
Урад даручыў перадаць у аператыўнае ўпраўленне Міністэрства інфармацыі долі ў статутным фондзе трох прадпрыемстваў, якія знаходзяцца ў гаспадарчым вядзенні рэспубліканскага ўнітарнага прадпрыемства «Беларускі радыётэлевізійны перадаючы цэнтр».
Гэта беларуска-амерыканскае сумеснае прадпрыемства «Бі Эй Інтэрнэшнл» (доля Мінінфарма складзе 34%, што адпавядае ўнёску ў статутны фонд у памеры 44,2 тыс. даляраў); ТАА «Рэдакцыя радыёпраграмы «Рускае радыё» (34% і 367,2 беларускі рублёў); ТАА «Космас ТБ Медыя» (29% і 58 беларускіх рублёў).
Справа ў тым, што з 3 кастрычніка 2016 года «Беларускі радыётэлевізійны перадаючы цэнтр» далучыўся да «Белтэлекама». Такім чынам «Белтэлекам» стаў манапалістам у трансляцыі эфірнага радыё і ТБ. Па прыблізных ацэнах кампаніі, паслугамі эфірнага тэлебачання ў Беларусі карыстаецца каля паўмільёна чалавек.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты10
Каментары