Натальля Пяткевіч: У ЗША мяне разам зь нелегаламі саджаюць у «абізьяньнік»
Намесьнік кіраўніцы адміністрацыі прэзыдэнта Беларусі Натальля Пяткевіч заявіла: што тыя, хто складае сьпісы невыязных, дэманструюць сваё бясьсільле.
«Насамрэч гэта несур’ёзна, гэта сьмешна, і мне падаецца, што гэта прыніжальна для такой краіны, якая да гэтага апускаецца», ‑‑ заявіла Натальля Пяткевіч, якой поруч зь іншымі беларускімі чыноўнікамі забаронены ўезд у ЗША і Эўрасаюз.
У пачатку чэрвеня Натальля Пяткевіч наведала штаб‑кватэру ААН у Нью‑Ёрку, дзе выступіла з дакладам на тэматычных дэбатах у справе гандлю людзьмі.
«Гэта быў першы прыезд, калі мяне ўпусьцілі вельмі хутка. Калі я прыяжджаю ў ЗША, мяне разам зь нелегаламі ў нейкі там «малпоўню» («обезьянник») вядуць, і я, скажам, у дзелавым гарнітуры сяджу там, покуль ідуць нейкія пакутлівыя тэлефанаваньні. Самі супрацоўнікі адпаведных памежных службаў ЗША не разумеюць: ну маладая, быццам бы нармальная жанчына, што яна там робіць, не зразумела, чаму ён нельга прыехаць? Але гэты [прыезд] быў самы хуткі: літаральна цягам некалькіх хвілін усё вырашылася. Тым ня менш наведваньне Нью‑Ёрку усё роўна абмежавана. Мы абмежаваны 25‑кілямэтровай зонай, таму не паўсюль у Нью‑Ёрку можна знаходзіцца».
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна20
Каментары