Пакаштаваць стравы аўтэнтычнай кухні і паглядзець на дэфіле караваяў можна будзе 12 лістапада падчас «Свята млынароў» у аграгарадку Адэльск Гродзенскага раёна. Пра гэта паведамілі ў аддзеле ідэалагічнай работы, культуры і па справах моладзі Гродзенскага райвыканкама, піша БелТА.
Аграгарадок Адэльск ў чацвёрты раз стане сталіцай незвычайнага «Свята млынароў». «Назва свята і месца правядзенняя выбраны не выпадкова. Калісьці менавіта ў Адэльску дзейнічала амаль паўтара дзясятка вадзяных млыноў і ветракоў, а млынары былі аднымі з самых паважаных людзей. Многія традыцыі тых часоў захаваліся і дагэтуль», — адзначылі ў Гродзенскім райвыканкаме. Там падкрэслілі, што ў праграме свята не толькі выстава-продаж хлебабулачных вырабаў, але і дэфіле, а таксама дэгустацыя традыцыйных караваяў з печы.
Ёсць і яшчэ адна важная прычына для візіту ў Адэльск ў святочны дзень. Бо традыцыйныя рэгіянальныя стравы мястэчка ўнесеныя ў спіс нематэрыяльнай гісторыка-культурнай спадчыны Беларусі. Падчас свята гаспадыні падзеляцца сакрэтамі іх прыгатавання, кожны ахвотны зможа ўзяць удзел у дэгустацыі. Прэзэнтуюць у гэты дзень і кнігу рэцэптаў рэгіянальных страў «Каля печы», якая навучыць гатаваць пончыкі, пызы, кішку і нават квашаніну па-адэльску.
Народныя майстры правядуць майстар-клас па кавальскай і ганчарнай справе. Пазнаёмяцца госці і з творчасцю вядомага далёка за межамі Адэльска народнага майстра музычных інструментаў Мар'яна Скрамблевіча. Завершыцца ж свята маляўнічымі канцэртам і дыскатэкай.
Цяпер чытаюць
Сына міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сына міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары