Паэт і музыка Боб Дылан не зможа прыехаць у Стакгольм, каб асабіста атрымаць Нобелеўскую прэмію па літаратуры, паведамляе Шведская акадэмія. Дылан вельмі хацеў бы прысутнічаць на цырымоніі, але ў яго іншыя справы, паведаміў ён акадэмікам у лісце. Пра гэта піша ВВС.
«Учора ўвечары мы атрымалі асабісты ліст Боба Дылана, у якім ён патлумачыў, што з-за дамоўленасцей, зробленых раней, ён не зможа прыехаць у Стакгольм у снежні, а значыць наведаць цырымонію ўручэння прэміі. Ён зноў падкрэсліў, што лічыць прысуджэнне яму прэміі вялікі гонарам і што хацеў бы атрымаць яе асабіста», — гаворыцца ў заяве Шведскай акадэміі.
Каб атрымаць прэмію, музыку трэба будзе прыехаць у Стакгольм на працягу паўгода пачынаючы з 10 снежня і прачытаць лекцыю — гэта з'яўляецца адзінай умовай акадэміі.
«Рашэнне лаўрэата не прыязджаць — рэдкасць, але не выключэнне», — заявілі ў Шведскай акадэміі, падкрэсліўшы, што прыз Дылана «па-ранейшаму належыць яму».
Музыка стаў лаўрэатам Нобелеўскай прэміі па літаратуры ў сярэдзіне кастрычніка. У сваім рашэнні Шведская акадэмія патлумачыла, што прэмія прысуджаная Дылану за «стварэнне новай паэтычнай мовы ў рамках вялікай амерыканскай песеннай традыцыі».
Першы час акадэмікам не ўдавалася звязацца з Дыланам. Праз два тыдні пасля прысуджэння ён патэлефанаваў у Шведскую акадэмію і паведаміў, што прэмію прыме, але не ведае, ці зможа прыехаць у Стакгольм.
-
Пекла можа выглядаць зусім не так, як мы думаем. Пра новы раман Югасі Каляды
-
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск
-
Выйшаў пераклад адной з галоўных п’ес сюррэалізму Ражэ Вітрака
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары