Прэс-сакратар прэзідэнта РФ Дзмітрый Пяскоў паведаміў, што Дзмітрый Уткін, якога называюць камандзірам расійскіх наёмнікаў, вядомы пад пазыўным «Вагнер», быў у спісах запрошаных на банкет у Крамлі 9 снежня.
«Дзмітрый Уткін сапраўды быў. Ён кавалер ордэнаў Мужнасці і ён быў сапраўды ад Наўгародскай вобласці», — сказаў Пяскоў.
На пытанне, за што менавіта Уткін атрымаў ордэн Мужнасці, Пяскоў адказаць не змог, паведаміўшы толькі, што звычайна яны [ордэны] даюцца за мужнасць.
На просьбу журналістаў удакладніць, ці знаходзяцца наёмнікі з «групы Вагнера», цяпер у Сірыі, Пяскоў сказаў: «Я не ведаю, што ў яго ёсць байцы і не ведаю, ці знаходзяцца яны ў Сірыі, і не ведаю, ці ёсць у іх наогул нейкі статус».
***
12 снежня «Фонтанка» паведаміла, што на прыёме ў гонар Дня Герояў Айчыны ў Крамлі быў заўважаны Дзмітрый Уткін. Пяскоў абяцаў праверыць гэтую інфармацыю.
***
Па дадзеных «Фантанкі» і «Газеты.Ру», Уткін узначальвае прыватную ваенную кампанію, якая рыхтуе наёмнікаў для ўдзелу ў баявых дзеяннях, у тым ліку ў Данбасе і Сірыі.
У расійскім Крымінальным кодэксе ёсць артыкул «наёмніцтва», які прадугледжвае пакаранне да 15 гадоў пазбаўлення волі.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам27
Каментары