Беларуская чыгунка 1 студзеня 2017 года спрашчае правілы правозу свойскіх жывёл у міжнародных зносінах.
Новаўвядзенне датычыцца пасажыраў з невялікімі жывёламі, чый гадаванец (сабака, кот, птушка) змешчаны ў спецыяльную тару, якая не перавышае па суме трох вымярэнняў 200 см. У гэтым выпадку пасажыру не трэба выкупляць усе месцы ў купэ, як было раней, паведаміла прэс-служба чыгункі.
Дадатковая плата за правоз пакаёвых жывёл у гэтым выпадку таксама спаганяцца не будзе. Перавозка ажыццяўляецца ў кошт устаноўленай нормы правозу ручной паклажы. Для размяшчэння жывёл у тары павінны выкарыстоўвацца месцы, прызначаныя для захоўвання ручной паклажы ў вагоне.
Аднак сабакі, не змешчаныя ў спецыяльную тару, павінны перавозіцца ў асобным купэ купэйнага вагона пры наяўнасці намордніка і ланцужка. Дазваляецца перавозка не больш за двух сабак у адным купэ. Пры гэтым пасажыр абавязаны аплаціць кошт месцаў у купэ.
Прэс-служба нагадала, што ва ўсіх выпадках пры перавозцы пакаёвых жывёл у абавязковым парадку патрабуюцца адпаведныя ветэрынарныя дакументы.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары