Чацвёра расійскіх вайскоўцаў загінулі ў Сірыі. Аўтамабіль, у якім яны ехалі, падарваўся на радыёкіраваным фугасе, паведамляюць расійскія інфармагенцтвы са спасылкай на прэс-службу міністэрства абароны Расіі.
Яшчэ двое расійскіх вайскоўцаў у выніку здарэння атрымалі раненні, паведамілі ў ведамстве. Цяпер за жыццё пацярпелых змагаюцца лекары.
Інцыдэнт адбыўся яшчэ ў мінулы чацвер, 16 лютага, аднак паведамілі пра яго толькі цяпер. Паводле даных мінабароны, у момант выбуху машына ехала ў складзе аўтакалоны, якая рухалася з аэрадрома Тыяс у кірунку Хомса.
Іншых падрабязнасцяў аб тым, што здарылася, міністэрства пакуль не прыводзіць.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары