МЗС рэкамендуе беларусам, якія адпачываюць у Егіпце, не выязджаць за межы курортных зон
У сувязі з серыяй тэрарыстычных актаў у Егіпце МЗС рэкамендуе беларускім турыстам, якія адпачываюць у гэтай краіне, не выязджаць за межы курортных зон.
9 красавіка ў егіпецкіх гарадах Танта і Александрыя была здзейсненая серыя тэрарыстычных актаў, якая стала прычынай увядзення ў Арабскай Рэспубліцы Егіпет надзвычайнага становішча, нагадвае прэс-служба МЗС.
У гэтай сувязі Міністэрства замежных спраў пацвярджае дзейныя з 2014 года рэкамендацыі беларускім грамадзянам, якія знаходзяцца на адпачынку ў Егіпце або маюць намер наведаць гэтую краіну, устрымацца ад паездак за межы курортных зон, за выключэннем выпадкаў крайняй неабходнасці. Падчас знаходжання за межамі гатэляў неабходна праяўляць павышаную абачлівасць.
Настойліва рэкамендуецца не наведваць губернатарства Паўночны Сінай у якіх бы то ні было мэтах, гаворыцца на сайце МЗС.
Цяпер чытаюць
Той самы масажыст расказаў, навошта здымаў голых кліентак22
Каментары