Саліст «Старога Ольсы» стварае службу дапамогі арыштаваным па «справе патрыётаў»: «Яны найлепшыя сыны Беларусі»
«Арыштаваныя «баевікі» — мае сябры. З усё адказнасцю сцвярджаю, гэта — найлепшыя сыны Беларусі, соль нашага народа. Гэта гонар і годнасць! Яны адукаваныя, выхаваныя, развітыя фізічна і адухоўленыя любоўю да Айчыны, — піша саліст гурту «Стары Ольса» Зміцер Сасноўскі ў сябе ў фэйсбуку. — Каб дапамагчы хлапцам упэўнена вытрымаць усё, патрэбна даць іхным сем’ям дагляд і абарону.
Ствараю «Службу дапамогі» — клопат пра ўсе сем’і, якія пасля арыштаў засталіся без таты/мужа. Сістэма простая — хто можа дапамагчы машынай (у краму па ежу, правоз дзяцей да паліклінікі, сям’ю да бабуль/дзядуль ці на лецішча), дзяўчаты-нянькі, вельмі патрэбны выязны педыятр, хто сантэхнік, будаўнік, радыётэхнік, кухар, праграміст/наладчык кампоў, мастак, настаўнік дашкалятаў, дзіцячы трэнер, харэограф ці музыка, хто можа ахвяраваць добрую дзіцячую вопратку, а хто наладзіць выезд на прыроду… Усе віды дапамогі (фінансавыя пытанні — асабіста з асірацелымі-пры-жывых). Усё ў ваш вольны час. А яшчэ пішыце лісты іхным сем’ям — у падтрымку.
Хто будзе ўдзельнічаць — стане маім асабістым сябрам. Усе мае фэсты і канцэрты для удзельніка СД — вольны ўваход. Мае святы на хутары, мае сябры — усё стане вашым.
Пісаць мне ў асабістую — імя, кантакт, здольнасці», — заклікае Зміцер Сасноўскі.
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»7
Каментары