Прарасійская арганізацыя «Русь маладая» анансавала месцы, дзе напярэдадні 9 Мая будуць раздавацца георгіеўскія стужкі. Арганізацыю «Русь маладая» ўзначальвае «волхв» неапаганскай славянскай секты Сяргей Лушч.
Раздачы будуць адбывацца ў рамках іміджавай акцыі «Георгіеўская стужка», якую Расія праводзіць па ўсім свеце.
Адметна, што раздача георгіеўскі стужак будзе адбывацца ў Расійскіх цэнтрах навукі і культуры, што месцяцца ў Мінску, Брэсце і Гомелі. У Мінску іх можна будзе таксама атрымаць на офісе «Русі маладой». А ў Гродне 7-8 мая ў рамках Фестываля славянскіх баявых мастацтваў.
Георгіеўская стужка стала сімвалам расійскай агрэсіі на ўсходзе Украіны. Менавіта яе чаплялі на сваё адзенне баевікі, які стваралі «ДНР» і «ЛНР».
У Беларусі замест георгіеўскай стужкі была прыдуманая свая — яблыневы цвет. З ёй на святы выходзіць вышэйшае кіраўніцтва краіны, а таксама супрацоўнікі дзяржаўных установаў.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары