Расійскі цяжкі атамны ракетны крэйсер «Пётр Вялікі», імаверна, не будуць рамантаваць і мадэрнізаваць. Спецыяльная камісія папярэдне прызнала такія работы немэтазгоднымі. Пра гэта паведаміў кіраўнік Агульнарасійскага руху падтрымкі флоту Уладзімір Мальцаў, піша «Коммерсант».
Па словах Уладзіміра Мальцава, крэйсер не падлягае аднаўленню, паколькі кожны карабель мае пэўную ступень зносу.
Першапачаткова планавалася пачаць мадэрнізацыю «Пятра Вялікага» пасля завяршэння работ на аднатыпным крэйсеры «Адмірал Нахімаў». Такім чынам расійскі флот разлічваў захаваць у сваім складзе хаця б адзін карабель гэтага класа. Аднак рамонт і мадэрнізацыя «Адмірала Нахімава» зацягнуліся да 2022 года, таму пачаць работы на «Пятры Вялікім» у запланаваныя тэрміны не ўдалося.
«Пётр Вялікі» з'яўляецца флагманам Паўночнага флоту і адзіным атамным крэйсерам праекта 1144 «Арлан», які цяпер застаецца ў складзе расійскага флоту. Яго называюць самым магутным ударным надводным караблём ВМФ Расіі і самым цяжкім у свеце неавіяносным баявым караблём.
Усяго ў СССР з 1970‑х да 1990‑х гадоў пабудавалі чатыры крэйсеры гэтага праекта.
Украінскія ВМС паказалі першы ў гісторыі бой марскіх безэкіпажных катараў ВІДЭА
Украіна заявіла пра знішчэнне найбуйнейшага дэсантнага карабля Расіі каля Новарасійска. Чым ён адметны
Каля вайскова-марской базы расійскага Ціхаакіянскага флоту прагрымеў магутны выбух
Расія ўпершыню за дзесяцігоддзе засталася без вайсковых караблёў у Міжземным моры
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары