Грамадзянін Расіі асуджаны ў Эстоніі за шпіянаж на пяць гадоў турмы
Хар’юскі павятовы суд у Эстоніі прысудзіў пяць гадоў турмы грамадзяніну Расеі Арцёму Зінчанку за супрацоўніцтва з вайсковай выведкай Расеі.
У дзяржаўнай пракуратуры Эстоніі сьцьвярджаюць, што ГРУ завэрбавала Зінчанку ў 2009 годзе. З 2013 году і да моманту затрыманьня ён удзельнічаў у апэратыўна-тактычнай працы, накіраванай супраць бясьпекі Эстоніі.
У яго задачы ўваходзіў збор інфармацыі пра аб’екты дзяржаўнай бясьпекі і жыцьцёва важныя аб’екты на тэрыторыі Эстоніі і фіксацыя перамяшчэньняў вайсковай тэхнікі Сілаў абароны Эстоніі і саюзьнікаў на тэрыторыі краіны. Акрамя таго, Зінчанка меўся знаходзіць узоры вайсковай тэхнікі — напрыклад, сродкаў сувязі. Сабраныя зьвесткі і ўзоры Зінчанка перадаваў супрацоўнікам ГРУ, зь якімі сустракаўся ў Пецярбургу.
Арцём Зінчанка — грамадзянін Расеі, які пражывае ў Эстоніі з дазволам на жыхарства ад 2013 году.
Каментары