У верасні на Конкурсе элегантнасці, які пройдзе палацава-паркавым комплексе Хэмптан-Корт у Вялікабрытаніі, пакажуць машыну, кіроўца якой першым у свеце атрымаў штраф за перавышэнне хуткасці, піша motor.ru.
Інцыдэнт адбыўся ў 1896 годзе. Аўтамабілем Arnold Benz кіраваў Уолтар Арнольд, які адным з першых атрымаў ліцэнзію на продаж аўтамабіляў Бенца. На адной з дарог Кента ён змог разагнацца да васьмі міль на гадзіну (каля 13 км/г). У той час у гарадской рысе для самарушных экіпажаў дзейнічала абмежаванне хуткасці ў дзве мілі на гадзіну (каля 3 км/г), пры гэтым перад машынай павінен быў ісці сігнальшчык з чырвоным сцягам.
Парушальніка змог дагнаць паліцэйскі на ровары. Арнольду выпісалі штраф у адзін шылінг (12 пенсаў).
Неўзабаве патрабаванне аб чырвоным сцягу адмянілі, а максімальна дазволеную хуткасць павялічылі да 14 міль у гадзіну (22,5 км/г). У сувязі з гэтым у Вялікабрытаніі была арганізаваная гонка, якая атрымала назву Emancipation Run — «Вызваленчы заезд». Заезд прайшоў з Лондана да Брайтана, а з 33 экіпажаў да фінішу дабраліся 17.
Уолтар Арнольд быў у ліку тых, хто фінішаваў, і нават атрымаў залаты медаль за майстэрскае кіраванне.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро5
Каментары