Навука і тэхналогіі44

Звышмагутны антыбіётык дапаможа адолець супербактэрыі

Навукоўцы ў ЗША мадыфікавалі важны антыбіётык ванкаміцын у надзеі справіцца з адной з самых небяспечных у свеце бактэрый, піша ВBС.

Энтэракок. Выява SPL

Як паведамляе штотыднёвік Нацыянальнай акадэміі навук ЗША PNAS, новая версія лекаў стваралася з велізарным запасам трываласці і стала ў тысячу разоў мацнейшай за старую.

Яна змагаецца з так званымі супербактэрыямі адразу трыма спосабамі, практычна не пакідаючы ім шанцаў на выжыванне.

Зрэшты, новыя лекі яшчэ толькі трэба будзе выпрабаваць на жывёлах, а затым і на людзях.

Група навукоўцаў з Даследчага інстытута Скрыпса спадзяецца, што ў выпадку паспяховых клінічных выпрабаванняў мадыфікаваны ванкаміцын можна будзе ўжываць ужо праз пяць гадоў.

Эксперты ўжо не раз папярэджвалі, што мы стаім на парозе «пост-антыбіётыкавай эпохі», калі некаторыя інфекцыі перастануць паддавацца лячэнню.

Сярод інфекцый, якія цяжка паддаюцца лячэнню і выклікаюць асцярогі ў дактароў, вылучаюць ванкаміцын-рэзістэнтны энтеракок (ВРЭ).

ВРЭ быў знойдзены ў бальніцах, ён можа выклікаць сур'ёзныя інфекцыі ран і заражэнне крыві і, па думку СААЗ, уяўляе сур'ёзную пагрозу чалавечаму здароўю.

Некаторыя антыбіётыкі па-ранейшаму эфектыўныя супраць ВРЭ, аднак ванкаміцын, якому ўжо 60 гадоў, у дадзеным выпадку бяссільны.

Група навукоўцаў з Інстытута Скрыпса вырашыла высветліць, ці змогуць яны пераўтварыць ванкаміцын і аднавіць яго забойную сілу.

Яны мадыфікавалі малекулярную структуру старога прэпарата такім чынам, каб ён максімальна паспяхова атакаваў бактэрыі ў самым ўразлівым месцы, руйнуючы іх клеткавыя сценкі.

Тры мадыфікацыі аказаліся стратэгічна найбольш важнымі, падвысіўшы сілу і працягласць дзеяння лекаў.

«Спачатку мы ўнеслі адно змяненне ў малекулу ванкаміцыну, якое дазволіла вырашыць праблему ўстойлівасці да гэтага прэпарата, — тлумачыць доктар Дэйл Боджэр, які кіраваў групай даследчыкаў. — А затым мы ўнеслі ў малекулу яшчэ дзве невялікіх змены, якія адкрылі лекам два новыя спосабы знішчэння бактэрый».

Такім чынам у антыбіётыка з'явілася адразу тры, як мы іх называем, «механізмы» забойства бактэрый, — працягвае навуковец. — І ўстойлівасць да такога антыбіётыка будзе вельмі цяжка развіць. Бо гэтая малекула створаная спецыяльна для вырашэння праблемы ўзнікнення рэзістэнтнасці».

Мадыфікаваны прапарат здолеў забіць ўзоры ВРЭ ў лабараторных умовах і практычна не страціў сваёй эфектыўнасці пасля 50 цыклаў працы з бактэрыямі.

«Жывыя арганізмы не ў стане адначасова шукаць шляхі абыходу трох незалежных механізмаў іх знішчэння, — кажа доктар Боджэр. — Нават калі яны знойдуць рашэнне адной праблемы, яны ўсё роўна будуць забітыя двума іншымі. Так што дактары могуць выкарыстоўваць мадыфікаваны ванкаміцын, не баючыся ўзнікнення ўстойлівасці да яго».

Каментары4

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Новым канцлерам Нямеччыны стане Фрыдрых Мерц13

Новым канцлерам Нямеччыны стане Фрыдрых Мерц

Усе навіны →
Усе навіны

У Смалявіцкім раёне прадаюць асабняк-комплекс амаль за чатыры мільёны даляраў1

Зяць Віктара Орбана можа купіць Raiffeisenbank у Расіі4

Больш ніякіх ружовых касцюмаў. Стыль Наталлі Пяткевіч змяніўся кардынальна22

Тэхніка зламалася на наступны дзень пасля гарантыі. Ці можна вярнуць грошы?

Паліна Шарэнда-Панасюк згадала самы трагічны момант у зняволенні1

Мінская блогерка панюхала дзверы суседа і гэтым выратавала яго ад магчымай гібелі6

У калоніі, дзе трымаюць Эдуарда Бабарыку, змяніўся начальнік1

ХАМАС вызваліў двух закладнікаў, а на працягу дня групоўка абяцае адправіць яшчэ чатырох1

EPAM назваў чысты прыбытак за год. Лічба ўражвае8

больш чытаных навін
больш лайканых навін

Новым канцлерам Нямеччыны стане Фрыдрых Мерц13

Новым канцлерам Нямеччыны стане Фрыдрых Мерц

Галоўнае
Усе навіны →

Заўвага:

 

 

 

 

Закрыць Паведаміць