Сёння ў гасцях у Алексіевіч — французскі фотамастак і дакументаліст Ян Арцюс-Бэртран
Госцем інтэлектуальнага клуба нобелеўскай лаўрэаткі Святланы Алексіевіч 1 чэрвеня будзе Ян Арцюс-Бэртран, выбітны французскі дакументаліст і фатограф, кавалер ордэна Ганаровага легіёна і ўладальнік мноства іншых узнагарод.
У юнацтве ён скончыў акцёрскі факультэт Парыжскай школы мастацтваў, зняўся ў фільме «Скажы мне, хто ты» з Мішэль Марган. У 21 год захапіўся «паветранай» фатаграфіяй з верталёта, паветранага шара, стаў сур’ёзна займацца аэрафотаздымкай розных аб’ектаў. У 1995 годзе пад патранатам экалагічнага навуковага аддзела ЮНЕСКА Арцюс-Бэртран узяўся за грандыёзны праект — стварэнне навуковага банка дадзеных здымак планеты з вышыні. Выпусціў каля 60 кніг.
Зняў дакументальны фільм «Дом» сумесна з Люкам Бесонам. Нядаўні дакумэнтальны твор Арцюса-Бэртрана — унікальны кінафільм «Чалавек» (Human).
Тры гады рэжысёр збіраў рэальныя гісторыі 2000 жанчын і мужчын з 60 краін, якія эмацыйна гавораць пра тэмы, якія аб’ядноўваюць усіх людзей планеты: барацьба з беднасцю, войны, гамафобія, каханне, смерць, шчасце. Прэм’ера першага фільма гэтага маштабнага праекта адбылася на асамблеі ААН. Прадстаўнікі кампаніі Google, ацаніўшы значнасць фільма, запусцілі яго адначасова на 6 мовах, у тым ліку на расійскай.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары