У гарадскім пасёлку Мачулішчы (Мінскі раён) 11 чэрвеня Цэнтр экалагічнага выхавання і развіцця сумесна з Цэнтрам турызму і краязнаўства дзяцей і моладзі «Ветразь» правядзе экскурсію «Сакалінай сцежкай» па загадкавым маршруце ў сакаліным лесе, паведамілі БЕЛТА арганізатары.
Гэты маршрут знаходзіцца ў адзінай у Беларусі спецыялізаваным заказніку «Сакаліны». «Сакалінай сцежкай» — гэта незвычайны маршрут у жывой прыродзе, дзе можна азнаёміцца з разнастайнасцю птушыных песень, даведацца пра новыя для сябе віды птушак і навучыцца разумець мову птушак, — распавялі суразмоўцы. — Найбольш зацікаўленыя ўдзельнікі экскурсіі змогуць навучыцца вызначаць па галасах не менш за пяць відаў птушак, а таксама ўбачыць чырвонакніжных сакалоў і месцы іх гнездавання».
Маршрут распрацаваны па аўтарскай методыцы Цэнтра экалагічнага выхавання і развіцця і абсталяваны мабільнымі таблічкамі, якія паказваюць на месца пражывання і спеваў птушак. Удзельнікі экскурсіі змогуць таксама скарыстацца адмысловымі буклетамі для больш зручнага знаёмства са светам птушак і птушыных гукаў.
Падчас экскурсіі адбудзецца прэзентацыя першай казкі-легенды «Пра што расказаў стары шпак?» з серыі казак кнігі аб заказніку «Сакаліны» пад назвай «Тайны сакалінага лесу», якая рыхтуецца да выдання. Экскурсіі з прэзентацыямі новых казак будуць працягвацца да 30 чэрвеня і праходзіць у любы час па меры камплектавання груп. Пасля 30 чэрвеня, калі большасць птушак перастане спяваць, маршрут «Сакалінай сцежкай» будзе закрыты і зноў адкрыецца вясной 2018 года.
Цэнтр экалагічнага выхавання і развіцця гатовы аказаць кансультацыйную, навукова-метадычную і матэрыяльную падтрымку дзяржаўным установам адукацыі, аддзелам і ўпраўленням адукацыі па падрыхтоўцы і адкрыццю падобных маршрутаў і арганізацыі экскурсій на іх тэрыторыі.
Маршрут «Сакалінай сцежкай» прызнаны адным з лепшых у Беларусі па выніках рэспубліканскага конкурсу «Зялёныя маршруты» і адзначаны дыпломам Міністэрства адукацыі. Падрабязная методыка падрыхтоўкі маршруту зацверджана рэдкалегіяй і апублікаваная ў навукова-метадычным часопісе «Выхаванне і дадатковая адукацыя».
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары