Аляксандр Лукашэнка, наведваючы сёння з рабочай паездкай Слуцкі раён, даручыў губернатару Мінскай вобласці Анатолю Ісачанку наладзіць у рэгіёне жалезную дысцыпліну, піша БелТА.
«Жалезная павінна быць дысцыпліна. Убачыў, што нешта не так, сказаў адзін раз. Ці не зрабілі — спаганяй на ўсю катушку і не глядзі, прыватнае прадпрыемства ці не», - сказаў Аляксандр Лукашэнка.
Кіраўнік дзяржавы звярнуў увагу на безадказнае стаўленне асобных гаспадарак да пасяўных плошчаў. Так, пралятаючы на верталёце, ён заўважыў, што вялікія ўчасткі з кукурузай апынуліся затопленыя вадой. «Гэта сведчыць аб тым, што мы часам не думаем, дзе сеяць і як будзем прыбіраць. Там, дзе павінны быць травы, вы пасеялі кукурузу, і па калена вада. Вакол нізіна, вада нікуды не сыдзе ўжо», — сказаў ён. Аляксандр Лукашэнка папярэдзіў, што за тое, што за загінулае з-за халатнасці кіраўнікоў зерне страхавыя кампенсацыі выплачвацца не будуць.
Асобна кіраўнік дзяржавы спыніўся на мясамалочнай вытворчасці ў Мінскай вобласці, даручыўшы цалкам загрузіць магутнасці прадпрыемстваў, дзе ёсць такая неабходнасць. «Слуцк — тыповы раён, дзе мы павінны атрымліваць мяса. Гэта ідэальныя ўмовы для вытворчасці збожжа. Не трэба забываць аб вытворчасці мяса. Без свініны, птушкі, ялавічыны - гэтых традыцыйных відаў - мы не абыдземся», - падкрэсліў кіраўнік краіны.
Пры гэтым прадукцыю неабходна пастаўляць не толькі на ўнутраны рынак, але і на замежны. Напрыклад, пра гатоўнасць купляць беларускае харчаванне на сустрэчы з беларускім лідэрам заявіў прэзідэнт Венесуэлы Нікалас Мадура. «Яны заплацяць, яны гатовыя сёння ўзяць, - сказаў Аляксандр Лукашэнка. - Асноўнае трэба пастаўляць на экспарт».
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары