Пра гэта Папа Францішак заявіў 11 кастрычніка ў Ватыкане падчас урачыстай сустрэчы з нагоды 25-годдзя падпісання Янам Паўлам ІІ Апостальскай канстытуцыі «Fidei depositum», піша Радыё Ватыкана.
Папа пажадаў, каб у катэхізісе Каталіцкага Касцёла належнае і адпаведнае месца заняла тэма смяротнага пакарання.
«Трэба з рашучасцю сцвердзіць, што асуджэнне на смяротнае пакаранне — гэта нечалавечая мера, якая прыніжае, у пэўным сэнсе пераследуе чалавечую годнасць. Само па сабе яно супрацьлеглае Евангеллю, бо рашэнне спыніць чалавечае жыццё, заўсёды святое ў вачах Творцы, апошнім і сапраўдным суддзёй і гарантам якога з’яўляецца толькі Бог, прымаецца свядома», — сказаў Папа.
Пантыфік пажадаў, каб у ніводнага чалавека, нават забойцы, не забіралася яго годнасць. «Ніхто, такім чынам, не можа быць пазбаўлены не толькі жыцця, але і магчымасці маральнага і экзістэнцыяльнага адкуплення», — падкрэсліў пантыфік.
Папа прызнаў, што ў мінулым зварот да гэтай «крайняй і нечалавечай меры» быў прадыктаваны адсутнасцю «грамадскай сталасці і інструментаў абароны.
«Прымем на сябе адказнасць за мінулае і прызнаем, што гэтыя сродкі дыктаваліся больш легалістычным, чым хрысціянскім мысленнем», - лічыць пантыфік.
Стала вядома, хто жаніх былой дэпутаткі Марыі Васілевіч25
Каментары