Дудзь — папулярны расійскі блогер. Увогуле, расійскія відэаблогеры — гэта феномен апошняга года. А «вДудь» стаў надзвычай папулярны. Сярод іншага, ён пакідае ў сваіх інтэрв'ю мат і сам мацюкаецца. Ён увогуле бярэ інтэрв'ю ў даволі хамскім стылі.
Ягоная гутарка з Ксеніяй Сабчак сабрала ў ЮТубе 1,8 млн праглядаў за суткі, 30 тысяч каментаў. У 150-мільённай Расіі гэта не мала.
Рашэнне Ксеніі Сабчак балатавацца ў прэзідэнты Расіі працягвае інтрыгаваць. Як паведамляюць расійскія СМІ, яна прыняла такое рашэнне пасля кансультацый з Адміністрацыяй прэзідэнта і асабіста Пуціным. Тыя зацікаўленыя ў нейтралізацыі Аляксея Навальнага — антыкарупцыйнага блогера і рэзкага крытыка існуючай сісітэмы. Ліберальныя колы падзеленыя ў ацэнках кроку Сабчак. Адны крытыкуюць «гэтую клаўнаду», паўтор «варыянта з Прохаравым». Другія лічаць, што такая «бяспечная альтэрнатыва» найлепшая для «мірнага выказвання пратэсту».
Сабчак — дачка колішняга мэра Пецярбурга Анатоля Сабчака, па пратэкцыі якога Пуцін трапіў ва ўладу.
Яна мультымільянерка — зарабляе як тэлевядоўца і вядоўца карпаратываў. Ад 2011 года яна далучылася да расійскай апазіцыі і ўдзельнічала ў маніфестацыях пратэсту. Многія расійскія аналітыкі лічаць, што такі эпатажны персанаж не здольны здабыць палітычную папулярнасць.
Гутарка «вДудь» з Сабчак доўжыцца паўтары гадзіны, але «трымае». «Сабчак па факце перавяла пытанні на вядучага і размазала яго. Напэўна, гэта першы правал за ўсю гісторыю праекта вДудь», — мяркуе беларуская журналістка Адар'я Гуштын.
Чытайце таксама:
«Хросніца» Пуціна, твар «Дома-2» — пяць фактаў пра Ксенію Сабчак
Цяпер чытаюць
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай6
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары