Расійская чыгунка вырашыла парушыць шматгадовую няпісаную традыцыю, што склалася паміж пасажырамі міжгародніх цягнікоў. Паводле афіцыйнага прадстаўніка Федэральный Пасажырскай Кампаніі, пасажыры, што набылі квіток на ніжнюю паліцу, маюць поўнае права не пускаць на яе пасажыраў верхніх паліцаў, паведамляе rg.ru.
Прэс-сакратар ФПК Анастасія Фёдарава заявіла ў адказ на адпаведны запыт пра існаванне пункта 51 Правілаў перавозак, зацверджаных расійскім мінтрансам. У ім у прыватнасці гаворыцца:
«Пасажыр, набываючы праязны дакумент, уступае з перавозчыкам у дамоўныя адносіны і згаджаецца падчас паездкі займаць акрэсленае месца, пазначанае ў квітку».
Пры гэтым прадстаўніца кампаніі заўважыла, што варта два разы падумаць, перад тым, як адмаўляць суседзям з купэ, бо наступным разам на іх месцы можна апынуцца самому — і параіла «быць дабрэйшымі».
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў5
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары