У Нью-Джэрсі бацькі патрабуюць ад настаўніцы мільён даляраў кампенсацыі за сэкс з вучнямі. На думку адваката, яна — ахвяра
Ад амерыканскай настаўніцы Ніколь Дзюфо (Nicole Dufault) з Нью-Джэрсі запатрабавалі мільён даляраў за сэкс з вучнямі, піша Лента.ру са спасылкай на Daily Mail.
38-гадовая жанчына ў 2013-14 гадах займалася сэксам з шасцю вучнямі, якім на той момант было ад 14 да 15 гадоў. У 2014 годзе яна была арыштаваная.
Жанчына, маці дваіх дзяцей, фігуруе ў трох асобных судовых працэсах, ініцыяваных бацькамі чатырох юнакоў. Бацькі дваіх з іх запатрабавалі ад яе і дырэкцыі школы кампенсацыю ў памеры мільён даляраў, а таксама аплату паслуг адвакатаў.
Дзюфо нібыта запрашала юнакоў праводзіць з ёй час у школьным класе падчас канікул або ў выходныя. У адным з пазоваў адвакат бацькоў апісаў, як яна «размаўляла з вучнямі аб непрыстойных дзеяннях і кранала інтымныя часткі іх целаў». Таксама сцвярджаецца, што настаўніца займалася сэксам з вучнямі ў школьным кампусе і ў сваёй машыне. Часам яна фальсіфікавала журнал наведванняў, каб яе любімчыкі «не патрапілі ў бяду».
Адвакат Дзюфо сцвярджае, што настаўніца насамрэч з'яўляецца ахвярай, бо мела чэрапна-мазгавую траўму і таму не магла адмовіць вучням.
«Мы маем справу з празмерна агрэсіўнай групай вучняў, якія ўступілі ў палавы кантакт з настаўніцай, якая пакутавала ад пашкоджання галаўнога мозгу», — запэўніў ён.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна13
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары