У шведскай паліцыі заявілі, што прычынай выбуху каля метро «Ворбю горд» у Стакгольме сёння днём магла стаць дэтанацыя старой ручной гранаты.
Як перадае SVT, у паліцыі адзначылі, што выбух не быў наўмысным.
Прылада выбухнула ў руках у мужчыны, які падняў невядомы прадмет з зямлі. Пазней ён памёр у бальніцы. Яго спадарожніца была шпіталізаваная. Па версіі паліцыі, яны сталі выпадковымі ахвярамі.
Паліцыя не лічыць, што інцыдэнт звязаны з тэрарызмам. Месца здарэння ачэплена.
У перыяд з 15 кастрычніка 2018 года па 11 студзеня 2019 года ў Швецыі ўпершыню будзе прапанавана добраахвотна здаць у рамках амністыі незарэгістраваныя выбуховыя рэчывы. Такім чынам улады імкнуцца адабраць у насельніцтва, у тым ліку, ручныя гранаты, якія ў вялікай колькасці трапляюць у каралеўства з тэрыторыі былой Югаславіі, адзначае ТАСС.
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары