Адзін петра — паводле стваральнікаў — будзе роўны аднаму баралю венесуэльскай нафты.
Венесуэльскі кіраўнік дзяржавы Нікалас Мадура загадаў распачаць эмісію першых петра, паведамляе cointelegraph.com.
«Я загадаў выпусціць сто мільёнаў петра, якія будуць базаваць на нацыянальным багацці», — заявіў ён.
Першая сустрэча венесуэльскіх крыптамайнераў мае адбыцца ўжо 14 студзеня. У гэты ж дзень мае быць апублікаваная тэхнічная дакументацыя праекту.
У эканомікі Венесуэлы цяпер цяжкія часы. У краіне гіперінфляцыя, якая выклікала моцнае зніжэнне даверу да нацыянальнай валюты — балівара. Толькі ў снежні 2017 года цэны ў Венесуэле выраслі на 85%, а гадавы ўзровень інфляцыі склаў 2616%. На гэтым тле ўвядзенне ўласнай крыптавалюты можа выглядаць на спробу забяспечыць краіну больш надзейным сродкам плацяжоў.
Яшчэ адной краінай, якая ў бліжэйшы час збіраецца эксперыментаваць з крыптавалютамі ў сітуацыі ўнутранай фінансавай нестабільнасці, з'яўляецца Зімбабвэ.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў8
Каментары