Нарвежскі самалёт з 84 сантэхнікамі на борце быў вымушаны вярнуцца ў аэрапорт праз паломку прыбіральняў
Самалёт авіякампаніі Norwegian, які ляцеў 27 студзеня з нарвежскага Осла ў нямецкі Мюнхен, быў вымушаны вярнуцца ў аэрапорт Гардермуэн з-за праблемы з працай туалетаў, паведамляе The Nordic Page.
На борце самалёта сярод іншых пасажыраў знаходзіліся 84 сантэхнікі, якія ляцелі ў камандзіроўку. Па словах дырэктара сантэхнічнай кампаніі Rørkjøp Фрэнка Олсэна, яе супрацоўнікі былі б радыя адрамантаваць прыбіральні, але для гэтага прыйшлося б выбрацца з самалёта вонкі.
«Мы не рызыкнулі адправіць сантэхніка вонкі на вышыні 10 тыс. метраў. У самалёце тым не менш была добрая атмасфера з-за іранічнай сітуацыі са зламанымі прыбіральнямі», — сказаў Олсен.
Прыбіральні ў выніку наладзілі сантэхнікі з аэрапорта Осла Гардэрмуэн, пасля чаго самалёт з ужо спраўнымі санвузламі зноў адправіўся ў Мюнхен.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект20
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары