Гэта не «Еўрабачанне». Але менавіта ад твайго голасу залежыць, чым будзе ганарыцца краіна ў найбліжэйшай будучыні. З 6 па 11 лютага пройдзе анлайн-галасаванне «Народны выбар». Беларусы вызначаць самы значны праект, які прыняў удзел у рэаліці-шоу #Паскарэнне.
У канцы лістапада платформа Talaka разам з парталам Onliner.by, кампаніяй Velcom і групай кампаній Gurtam запусцілі нацыянальны інтэрактыўны конкурс у фармаце рэаліці-шоу #Паскарэнне. З 216 праектаў да народнага галасавання, у выніку жорсткага адбору, дайшлі толькі 40: ад сацыяльных і гарадскіх да прадпрымальніцкіх і тэхналагічных.
Мэта конкурсу — натхніць людзей на сумеснае самастойнае рашэнне важных праблем, палепшыць якасць жыцця ў гарадах і населеных пунктах Беларусі, стварыць тое, на што зверне ўвагу ўвесь свет.
Зараз у цябе ёсць магчымасць прагаласаваць за праект, які ажыццяўляецца ў тваім горадзе, вырашае тваю праблему ці проста запальвае і захапляе.
Для ўдзелу ў галасаванні трэба:
- зарэгістравацца на краўдфандынгавай платформе Talaka.
- Выбраць упадабаны праект
- Падтрымаць ўпадабаны праект з дапамогай краўдфандзінга
Мінімальная сума ўнёску — 3 рублі. Усе грошы, сабраныя праектам, застаюцца праекту. Акрамя таго, пераможца атрымае 2000 рублёў ад арганізатараў конкурсу.
Пераможца вызначаецца не па сабранай суме, а па колькасці людзей, якія падтрымалі праект у перыяд галасавання.
«Народны выбар» праводзіцца на ўмовах адкрытасці, празрыстасці і забяспечвае роўныя магчымасці для ўсіх удзельнікаў. Іншымі словамі, арганізатары абвясцілі вайну ботам і будуць пільна адсочваць IP, фэйкавыя акаўнты і праведзеныя плацяжы. Па правілах конкурсу адзін плацёжны сродак можа выкарыстоўвацца толькі для аднаго зарэгістраванага акаўнта.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая4
Каментары