Удзельнікі зімовых Алімпійскіх гульняў у Пхёнчхане сёння разыграюць 7 камплектаў узнагарод. Прадстаўнікі Беларусі выступяць у трох відах спаборніцтваў, адзначае БЕЛТА.
Лыжнік Сяргей Далідовіч выйдзе на старт сваёй сёмай Алімпіяды. Разам з таварышамі па камандзе Міхаілам Сямёнавым і Юрыем Астапенкам 44-гадовы ветэран выступіць у скіятлоне.
Да мужчынскай біятлоннай спрынтарскай гонкі рыхтаваліся 4 беларускія спартсмены: Уладзімір Чапелін, Раман Елятноў, Максім Варабей, Антон Смольскі.
Без беларусаў будуць разыграныя ўзнагароды ў жаночых спаборніцтвах па могуле, санным спорце і сноўбордзе ў мужчын.
Спаборніцтвы па гарналыжным спорце ў хуткасным спуску ў мужчын, прызначаныя на сёння, перанесеныя на 15 лютага: на час правядзення спаборніцтваў прагназаваліся моцныя парывы ветру (да 72 км за гадзіну). У спаборніцтвах у хуткасным спуску заяўлены прадстаўнік Беларусі Юрый Данілачкін.
Сочым за Алімпіядай разам з Букмекерскай канторай «Марафон».
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары