Якое кіно можна зняць паводле гэтага сюжэта! Беларускі дзеяч Адольф Клімовіч 7 гадоў хаваўся ад МГБ, зарабляючы як арганіст у вясковым храме. МГБ абставіла ягоную жонку агентамі, але ёй усё адно ўдавалася сыходзіць ад сачэння і прыязджаць да яго. МГБ расставіла сеці, каб Клімовіча злавіць. Толькі за ягонай старой мамай, якая жыла пад Клюшчанамі (гэта цяпер Астравецкі раён) сачыла 6 сексотаў, жыхароў гэтай вёскі (імёны ёсць у справе). Усё марна. І нават калі завербавалі ксяндза таго касцёла, дзе служыў Клімовіч, то… Але годзе расказваць, прачытайце наш артыкул — выдатную архіўную працу Змітра Дразда.
«Арганіст». Як Адольф Клімовіч сем гадоў хаваўся пад носам у савецкіх спецслужбаў
І калі б талент зняў кіно пра гэта, яно абышло свет. Там яшчэ і хэпі-энд будзе. Дзякуючы таму, што Клімовіч разумна хаваўся, ён здолеў перажыць Сталіна, і выжыць, і нават рэабілітавацца.
P.S. Алесь Кіркевіч у каментах падказаў назву для фільма: «Арганіст».
-
Беларускі музей імя Івана Луцкевіча рыхтуе выставу да 120‑годдзя «Нашай Нівы» і просіць дапамагчы з экспанатамі
-
«Наша Ніва» атрымала тры журналісцкія прэміі. Сярод пераможцаў Бугай і Роўда
-
Ціханоўскі і Пятрухін распаўсюдзілі новую лабуду: што палітвязень Папоў атрымаў 16 гадоў турмы з-за публікацыі «НН»
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?10
Каментары