У Канадзе прыняты закон, які дазваляе ўжыванне марыхуаны на ўсёй тэрыторыі краіны.
Дакумент рэгулюе, як можна вырошчваць канабіс, дзе і якімі спосабамі распаўсюджваць, а таксама як павінен быць арганізаваны продаж. Сенатары ўхвалілі законапраект простай большасцю галасоў: 52 супраць 29.
Жыхары краіны змогуць пачаць законна набываць і ўжываць марыхуану ўжо ў верасні.
Канада стала першай краінай «Вялікай сямёркі», што легалізавала ўжыванне канабісу ў рэкрэацыйных мэтах.
Захоўванне марыхуаны ў краіне забаранілі ў 1923 годзе, але ў 2001 было легалізавана яе медыцынскае ўжыванне.
Пасля падпісання закона ўрад краіны павінен будзе вызначыць дату яго ўступлення ў сілу.
Паводле слоў прэм'ер-міністра краіны Джасціна Трудо, да сённяшняга дня «нашым дзецям было занадта проста дастаць марыхуану, а злачынцам — нажывацца на ёй».
Мясцовым і рэгіянальным уладам будзе дадзена 8—12 тыдняў на тое, каб вызначаць правілы і ўмовы продажу канабісу на сваёй тэрыторыі, а паліцыі — каб падрыхтавацца да працы ў новых умовах.
Паводле падлікаў, у 2015 годзе канадцы патрацілі на марыхуану каля 6 млрд канадскіх даляраў (4,5 млрд даляраў ЗША) — прыкладна столькі ж, колькі жыхары краіны патрацілі на віно.
Да сярэдзіны верасня канадцы атрымаюць магчымасць легальна набываць канабіс і канабісавы алей, вырабленыя ліцэнзаванымі пастаўшчыкамі, у розных крамах.
Акрамя таго, марыхуану можна будзе заказваць анлайн — таксама ад ліцэнзаваных вытворцаў.
Дарослым грамадзянам будзе дазволена мець пры сабе да 30 грамаў высушанай марыхуаны.
Апытанка
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары