Пасол Беларусі ў Расіі: Амерыканская дывізія ў Польшчы Беларусі не пагражае, размяшчэнне расійскай базы неактуальнае
Намер Польшчы размясціць на сваёй тэрыторыі бранятанкавую дывізію ЗША непасрэдна не пагражае Беларусі, але павышае ўзровень ваеннай небяспекі ў рэгіёне, заявіў у інтэрв'ю РІА Новості пасол Беларусі ў Расіі Ігар Петрышэнка. Таксама пасол заявіў, што тэма расійскай базы ў Беларусі на сёння не актуальная.
Раней Польшча прапанавала ЗША размясціць у сябе амерыканскую бранятанкавую дывізію.
«Дадзеная мера непасрэдна не пагражае Беларусі, але як любая вайсковая актыўнасць каля нашых межаў і павелічэнне колькасці вайсковых кантынгентаў павышае ўзровень ваеннай небяспекі. Безумоўна, мы ўлічваем гэты фактар і ў нацыянальным ваенным будаўніцтве, і ў ваенным супрацоўніцтве ў фарматах Саюзнай дзяржавы і АДКБ», — заявіў Петрышэнка.
Дыпламат дадаў, што размяшчэнне на сваёй тэрыторыі войскаў трэціх краін — «гэта права суверэннай дзяржавы».
«Тэма па расійскай базе (у Беларусі — рэд.) сышла, і яна не актуалізавалася», — сказаў ён.
У кастрычніку 2015 года Лукашэнка заявіў, што размяшчэнне расійскай вайсковай авіябазы з вайсковага пункту гледжання не трэба ні Мінску, ні Маскве, і назваў «шуміху» у СМІ вакол гэтай тэмы палітычнай. У 2016 годзе кіраўнік МЗС Беларусі Уладзімір Макей заявіў, што беларуская пазіцыя з нагоды размяшчэння на тэрыторыі Беларусі расійскай авіябазы не змянілася.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары