У маі 25-гадовы жыхар Светлагорска дазволіў скарыстацца сваёй кватэрай 38-гадоваму знаёмаму. Ён вырашыў пакурыць там марыхуану. Цяпер гаспадару кватэры пагражае крымінальнае пакаранне.
«Падазраваны даў памяшканне асобе, якая дапускае немедыцынскае ўжыванне наркотыкаў, — тлумачыць следчы па асабліва важных справах Васіль Марушэнка. — Падчас агляду кватэры былі канфіскаваныя наркатычныя рэчывы і прыстасаванні для іх ўжывання».
У дачыненні да гаспадара кватэры распачата крымінальная справа па ч.1. арт. 332 КК Беларусі «Прадастаўленне памяшканняў для вырабу, перапрацоўкі і (або) спажывання наркатычных сродкаў, псіхатропных рэчываў, іх аналагаў або іншых адурманьваючых рэчываў».
Мужчыну пагражае пакаранне ў выглядзе арышту, або абмежавання волі на тэрмін да пяці гадоў, або пазбаўлення волі на тэрмін ад двух да пяці гадоў.
Каментары