Эўразьвяз абмяркоўвае з ЗША будаўніцтва партоў для прыёму амэрыканскага звадкаванага прыроднага газу. Пра гэта ў Вашынгтоне падчас супольнай прэс-канфэрэнцыі з прэм’ер-міністрам Італіі паведаміў прэзыдэнт ЗША Дональд Трамп. Паводле яго, гаворка ідзе пра 9-11 партоў. За iх будаўнiцтва ЭЗ гатовы заплаціць самастойна, піша радыё «Свабода».
ЗША вядуць спрэчку з Эўразьвязам вакол будаўніцтва расейскага газаправоду «Паўночны паток — 2». Акрамя таго, Вашынгтон пагражае ўвесьці санкцыі ў дачыненьні да кампаній, якія інвэстуюць у расейскія праекты экспарту энэрганосьбітаў.
У канцы чэрвеня крыніца Reuters заявіла, што Нямеччына атрымала ад Злучаных Штатаў гарантыі, што ўводжаныя Вашынгтонам санкцыі ў дачыненьні да Масквы ня будуць распаўсюджвацца на будаўніцтва газаправодаў з Расеі ў краіны ЭЗ.
Газаправод «Паўночны паток-2», які пройдзе з Расеі ў Нямеччыну па дне Балтыйскага мора, можа быць уведзены ў эксплюатацыю да канца 2019 году. Дазвол на яго пабудову выдалі ўлады Швэцыі, Фінляндыі і Нямеччыны. Супраць праекту актыўна выступаюць краіны Балтыі, Польшча, Украіна і ЗША.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары