Раніцай 22 верасня ў полі каля вёскі Кузьмічы ў Любанскім раёне знайшлі цела 68-гадовага мужчыны. Пенсіянера забілі, відаць, дзеля нажывы, паведамляе Упраўленне Следчага камітэта па Мінскай вобласці.
Устаноўлена, што 68-гадовы мужчына на ровары з электрапрывадам паехаў на рыбалку. Ён не вярнуўся дадому, а жонка не змагла да яго датэлефанавацца. Неўзабаве сусед на аўтамабілі знайшоў яго каля аўтадарогі забітым.
У ходзе аператыўна-вышуковых мерапрыемстваў па падазрэнні ў здзяйсненні злачынства ў суседняй вёсцы быў затрыманы 33-гадовы мужчына, раней неаднаразова судзімы за крадзяжы.
Затрыманы падчас допыту прызнаўся ў злачынстве. Па дадзеных следства, ён нанёс незнаёмаму яму пенсіянеру множныя ўдары рукамі і нагамі ў жыццёва важныя органы ў ходзе ўзніклага паміж імі слоўнага канфлікту.
Ровар быў знойдзены ў хляве падазраванага.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары