Падчас сустрэчы з жыхарамі гарадскога пасёлка Балбасава ў Аршанскім раёне Аляксандр Лукашэнка адзначыў выключна міралюбівую палітыку беларускай дзяржавы і народа, перадае БЕЛТА.
«Мы — мірныя людзі, не жадаем вайны. Мы не багатыя, але нікога не просім. Мы самі сваё шчасце заробім. Калі будзем варушыцца, мы ўсё зробім самі. Я ўжо сказаў, што дзясяткі і сотні гадоў перамоваў — гэта лепш за адзін дзень вайны. Не дай бог. Я ведаю па гэтых гарачых кропках. Для гэтага (мірнага жыцця. — Заўвага БелТА) мы павінны быць як адзінае цэлае, бачыць свае мэты, жыць так, як лічым патрэбным», — сказаў кіраўнік дзяржавы.
«Нам чужога не трэба. У нас сярэдняя па еўрапейскіх мерках дзяржава. Мы ў самым цэнтры Еўропы і гэта цэнім», — падкрэсліў беларускі лідар.
Аляксандр Лукашэнка, у прыватнасці, звярнуў увагу на транзітнае значэнне Беларусі. «Выступаючы перад прадстаўнікамі Захаду на Мюнхенскай канферэнцыі (сустрэча ў Мінску асноўнай групы Мюнхенскай канферэнцыі па бяспецы. — Заўвага БелТА), я ім казаў: шануйце Беларусь, не трэба супраць нас санкцыі ўводзіць. І нарката, і бандытызм, і ядзерныя элементы, і незаконная міграцыя — усё праз нас ідзе на Захад. Мы іх ловім, адлоўліваем за ўласны кошт», — адзначыў кіраўнік дзяржавы.
«Сёння нарэшце яны зразумелі, у чым вартасць гэтага кавалка зямлі ў цэнтры Еўропы. Не толькі яны. Амерыканцы вельмі далёка — таксама ацанілі. Я ўжо не кажу пра старэйшага брата (Расію. — Заўвага БелТА)», — сказаў Аляксандр Лукашэнка.
Гаворачы аб беларускай знешнепалітычнай лініі, Лукашэнка падкрэсліў, што яна зыходзіць ад жыцця: «Я нічога не прыдумаў. З суседзямі трэба жыць добра, чаго нам з імі сварыцца».
У сувязі з гэтым ён згадаў аб прапановах пабудаваць у Польшчы амерыканскую вайсковую базу.
«Я міністру замежных спраў сказаў — ён выступаў у нас у Мінску: мы з вамі ваяваць не збіраемся. Таму не трэба ствараць дадатковыя базы. У адваротным выпадку мы з расіянамі павінны будзем адказваць. Значыць, мы будзем вымушаныя нешта размяшчаць, каб вам процідзейнічаць», — заявіў кіраўнік Беларусі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары