На дзесяць сутак у Пецярбургу арыштавалі Паўла Іванкіна. Ён і яшчэ шасцёра актывістаў пратэставалі 2 лістапада супраць прыезду тэлевядучага Уладзіміра Салаўёва. Пра гэта «Фантанцы» распавялі ў «Групе дапамогі затрыманым».
Іванкіна прыцягнулі да адміністрацыйнай адказнасці 3 лістапада за непадпарадкаванне паліцыі.
Семярых актывістаў затрымалі напярэдадні каля ДК ім. Ленсавета. Маладыя людзі стаялі з плакатамі перад прыездам Салаўёва, які павінен быў выступіць там з лекцыяй.
Шасцярых актывістаў адпусцілі. Дадому не дазволілі вярнуцца толькі Паўлу Іванкіну, які нібыта аказаў супраціў пры затрыманні.
На адным з банераў прапагандыста Салаўёва параўналі з галоўным рэдактарам нацысцкай газеты Германіі Юліюсам Штрэйхерам.
Юліус Штрэйхер быў галоўным рэдактарам антысеміцкай і антыкамуністычнай газеты Der Stürmer («Штурмавік»). У 1946 годзе ён быў пакараны смерцю паводле прысуду Нюрнбергскага трыбунала.
Чытайце таксама:
На Кастрычніцкай плошчы маладафронтаўцы выказалі Уладзіміру Салаўёву ў твар свае думкі пра яго ВІДЭА
«Забярыце нас, як Крым» — як прайшоў выступ Уладзіміра Салаўёва
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары