Бёрпі« ўжо паспелі палюбіць і зненавідзець піша msn.com. Усё часцей гэта практыкаванне можна пабачыць у Instagram вядомых спартсменаў. Для яго не трэба ні дадатковых вагаў, ні рыштунку − толькі ты і тваё цела. Ўпасці − падскочыць. Гучыць не вельмі складана. Дык ці здольныя ўсяго 50 бёрпі ў дзень прымусіць ваша цела змяніцца ў лепшы бок?
Што такое бёрпі?
Гэта практыкаванне прыдумалі яшчэ ў 30-х гадах мінулага стагоддзя амерыканскія навукоўцы як тэст на фізічнае развіццё вайскоўцаў. Цяпер яно ўваходзіць у праграмы трэніровак для тых, хто абавязаны мець высокую фізічную працаздольнасць: пажарныя, спецпадраздзяленні, прафесійныя спартсмены. А ўсё таму, што гэта функцыянальнае практыкаванне, у якім задзейнічаны ўсе групы цягліц: рукі, грудзі, квадрыцэпсы, ягадзічныя цягліцы, біцэпсы, сцёгны і брушны прэс.
Разбярэмся, з чаго складаецца бёрпі. Варта сказаць, што варыяцый у яго можа быць мноства, і вы можаце выбраць тую, якая вам больш спадабаецца. Але класічнае практыкаванне выглядае так, як на здымку з Вікіпедыі:
Перавагі
Практыкаванне развівае не толькі цягавітасць, але і сілу і каардынацыю. Акрамя таго, паколькі для яго выканання вам не спатрэбіцца дадатковага абсталявання, займацца можна дзе заўгодна. Яшчэ адзін бясспрэчны плюс бёрпі — паскарэнне метабалізму, калорыі будуць спальвацца і пасля трэніроўкі.
Як правільна выконваць?
Пачаць абавязкова трэба з разагрэву. 5-хвілінная размінка для вашых суставаў дакладна не перашкодзіць.
Ваша задача ў тым, каб зрабіць максімальную колькасць практыкаванняў у адведзены час, які вызначаецца вашай фізічнай падрыхтоўкай. Напрыклад, гэта могуць быць 30 секунд інтэнсіўнай нагрузкі з 10 секундамі адпачынку ці 3 хвіліны з хвілінным перапынкам.
Якія ёсць варыяцыі?
Самы просты варыянт — без скачкоў і адцісканняў, з яго можна пачаць. Ускладненымі варыянтамі могуць быць змены напрамкаў ў скачку, заскокванне на платформу, ўдары нагамі або пацяжэнне з гантэлямі. Абмяжоўваемся толькі сваёй фантазіяй.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1313
Каментары