Пра гэта галоўны рэдактар «Эхо Москвы» Аляксей Венядзіктаў заявіў падчас аднаго з эфіраў, адказваючы на пытанне слухача, ці магчыма і якім чынам падаўжэнне тэрмінаў кіравання Пуціна.
«Адзін з варыянтаў падаўжэння паўнамоцтваў, як кіраўніка дзяржавы Уладзіміра Пуціна з'яўляецца аб'яднанне, анексія, далучэнне, саюз з Рэспублікай Беларусь. Гэта адзін з варыянтаў. Магчымыя і іншыя», — мяркуе Венядзіктаў.
На думку журналіста, проста так субсідаваць брацкую дзяржаву расійскі ўрад ужо проста не не жадае, а не можа. І за субсідыі трэба чымсьці расплачвацца.
«Чым Беларусь можа расплачвацца? Суверэнітэтам, напрыклад. І ў гэтым сэнсе, калі гэта ўсё злучаецца, скручваецца такім чынам, то я дапускаю магчымасць стварэння адзінай дзяржавы, адзінага гаспадара на працягу 3-4 гадоў. Ну, глядзіце. У 21-м годзе ў нас выбары ў Дзярждуму. А чаму адначасова не правесці па адзіных правілах выбары ў парламент саюзнай дзяржавы, ужо не складзены дэлегацыямі, а выбарамі. І пачаць не з адзінага прэзідэнта, а з адзінага парламента, напрыклад. У 21-м. Вось табе, калі ласка».
Лукашэнка ў гэтым выпадку можа заняць пасаду віцэ-прэзідэнта, старшыні Рады бяспекі. Або пенсіянера ў Крыме, жартуе Венядзіктаў.
«Уладзімір Уладзіміравіч, пачынаючы з 2008 года, увайшоў у ролю інтэгратара. Аднаўляльніка рускага свету. Расійскай імперыі.
Зноў-такі ў яго разуменні, наколькі я разумею, няма ніякага асобнага беларускага, калі няма асобнага ўкраінскага народа, то няма ніякага беларускага народа. Адзіны народ.
Не будзем называць, які ён, адзіны. Вось ён адзіны народ. Ён падзелены народ. Як Нямеччына была, дзе ён служыў у ГДР, падзеленыя народы. Вось ён падзелены гістарычна і несправядліва. І ён увайшоў у ролю інтэгратара. І гэта справядліва. Я проста гэта слова згадваў яшчэ да слова «інтэграцыя». Гэта першае. Вось як Крым. Беларусь — гэта Крым. Несправядліва, але так атрымалася. Але несправядліва. Ну, цяпер будзе справядліва. Па-першае, аднаўленне справядлівасці. Па-другое, гэта адкрывае вароты для маніпуляцыі з палітычнай сістэмай для падаўжэння паўнамоцтваў. Па-трэцяе, рускі свет аднаўляецца», — мяркуе Венядзіктаў.
Каментары