У Крэўскім замку развалілася частка кансервацыйнай муроўкі ФОТА
Пытанні кшталту «што здарылася ў Крэўскім замку?» пачалі з’яўляцца ў сацыяльных сетках учора.
Фота Сяргея Гапона, які першым заўважыў, што ў замку нешта не так.
На сваёй старонцы ў фэйсбуку сітуацыю растлумачыў супрацоўнік НАН Беларусі, заўсёдны кіраўнік летніх раскопак у Крэве, Алег Дзярновіч.
Па яго словах, у апошнія выхадныя абвалілася частка кансервацыйнай муроўкі Крэўскага замка каля паўднёва-заходняга кута. Гэтую частку сцяны абкладалі камянямі ў самым канцы мінулага года.
Пра здарэнне Алег паведаміў навуковаму кіраўніку праекта Уладзіміру Сіняўскаму.
Архітэктар прызнаўся, што тэарэтычна дапускаў такі вынік, бо гэты кавалак муру кансервавалі ў самым канцы 2018 года, калі ўжо былі першыя маразы.
Гэты фрагмент новай муроўкі падмарозіла, і ён не вытрымаў сёлетніх веснавых перападаў.
— Што ж, гэтая гісторыя яшчэ раз паказвае, наколькі важна вытрымліваць тэхналогіі, — кажа Алег.
Зараз Белрэстаўрацыя распрацоўвае меры, каб ліквідаваць абвальванне.
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары