ЗША падрыхтавалі новыя санкцыі супраць Расіі з-за атручвання Сяргея Скрыпаля і яго дачкі Юліі, паведамляе Bloomberg са спасылкай на крыніцы.
![](http://nnexpictures.fra1.digitaloceanspaces.com/img/w732d4webp1/photos/z_2019_03/1020628291-f28e4-7dx2h-9ssgr.jpg.webp)
Паводле агенцтва, пакет абмежаванняў ужо гатовы і чакае ўхвалення Белым домам. Якія менавіта санкцыі будуць уведзеныя, выданне не ўдакладняе.
У жніўні 2018 года Дзярждэпартамент ЗША аб'явіў пра увядзенне санкцый супраць Расіі, усклаўшы на расійскія ўлады адказнасць за прымяненне ў Вялікабрытаніі атрутнага рэчыва «Навічок». Але тады была задзейнічана толькі частка абмежаванняў, а менавіта забарона экспарту тавараў і тэхналогій, звязаных з нацыянальнай бяспекай.
Другі пакет абмежаванняў (у іх лік уваходзіць паніжэнне статусу двухбаковых адносін, поўная забарона на экспарт тавараў з ЗША і імпарт у ЗША, забарона на паветраныя зносіны для дзяржаўных перавозчыкаў) тады ўведзены не быў.
Каментары