Пуцін дае $600 мільёнаў крэдыту, а Беларусь спыняе сертыфікацыю прадуктаў для рээкспарту ў Расію
Беларусь атрымае ад Расіі дзяржаўны крэдыт для рэфінансавання плацяжоў. Такое рашэнне прыняў Уладзімір Пуцін.
Пра намер Пуціна даць Мінску дзяржаўны крэдыт у памеры да $600 млн журналістам паведаміў міністр фінансаў Расіі Антон Сілуанаў. Паводле яго слоў, гэтыя грошы пойдуць на рэфінансаванне плацяжоў у пагашэнне асноўнага доўгу па раней прадастаўленых Масквой пазыках.
У гэты самы дзень стала вядома, што Беларусь спыняе сертыфікацыю плодаагародніннай прадукцыі, якая прыбывае з трэціх краін для размытнення на тэрыторыі Беларусі і далейшага рээкспарту ў Расію. Гэтая мера закране ўсю тую прадукцыю, якая трапіла пад дзеянне эмбарга, уведзенага Расіяй у 2014 годзе ў адказ на заходнія санкцыі.
Каментары