Ва Украіне з'явіліся білборды з выявай Уладзіміра Пуціна, яны з'яўляюцца афіцыйным рэкламным прадуктам, аплачаным з выбарчага фонду Пятра Парашэнкі. Адпаведнае паведамленне апублікаваў у фэйсбуку перадвыбарчы штаб Парашэнкі, піша УНІАН.
«У Пуціна, зразумела, згоды не пыталіся. І гэта натуральна. Здзіўляе іншае: колькасць украінскіх экспертаў і палітыкаў, якія выступілі на абарону парушаных правоў Пуціна. Сярод іх, на жаль, і афіцыйныя прадстаўнікі кандыдата Зяленскага. Пуцін — па-за законам», — гаворыцца ў паведамленні.
У штабе кандыдата запэўнілі, што задача рэкламы — нагадаць краіне, што ва ўмовах страшных знешніх выклікаў патрэбны «моцны прэзідэнт і Вярхоўны Галоўнакамандуючы».
«Сюжэт борда не азначае, быццам у камандзе Парашэнкі лічаць Зяленскага агентам Пуціна. Катэгарычна не. Але мы цвёрда перакананыя, што Пуцін марыць аб слабым, непадрыхтаваным прэзідэнце, што дазволіць Крамлю ўзяць Украіну пад кантроль», — адзначылі ў штабе.
Цяпер чытаюць
«Туфлі — 400 рублёў». Выпускнікі дзеляцца, у колькі абышліся іх вобразы7
Каментары