Што азначае, калі кіраўнік Рады бяспекі працуе на замежную структуру?
Што азначае, калі на замежную структуру працуе намеснік кіраўніка Рады бяспекі? Праз гэты орган праходзіць уся стратэгічная інфармацыя, усё, што ідзе прэзідэнту і ад прэзідэнта. Пра такую ступень інфільтрацыі ў сакрэты іншай краіны можна толькі марыць.
Мець агента на ўзроўні афіцэра Генштаба ці начальніка ўпраўлення спецслужбы — гэта ўжо адзінкавы выпадак у барацьбе спецслужбаў. А на ўзроўні кіраўніка аховы прэзідэнта ці кіраўніка Рады бяспекі — гэта нешта ўнікальнае. Замежная структура патэнцыйна мела б практычна ўсю ўнутраную інфармацыю як асабістага, так і дзяржаўнага характару.
Не прыпомню, каб такога дабівалася нават «Масад» у крайне слабых афрыканскіх і арабскіх дзяржавах. Калі б такое здарылася, гэта быў бы проста правал.
Менавіта таму, што гэта поўны правал, то, калі б такое здарылася, публічнай інфармацыі пра такое не будзе.
Зрэшты, гэта быў бы лагічны правал. Доўгі час пры цяперашнім рэжыме не было ясна, дзе канчаецца Беларусь і пачынаецца Расія. Супрацоўнік ФСБ рабіўся кіраўніком КДБ, бывалі моманты, калі на чале ўсіх сілавых ведамстваў стаялі людзі, народжаныя не ў Беларусі. Грамадзян выхоўвалі і выхоўваюць у адназначным духу: «Беларус — значыць рускі чалавек. Беларусь і Расія — адно цэлае. Залежнасць ад Расіі — гэта і ёсць незалежнасць». У такой логіцы суверэнітэт Беларусі — выпадковасць і часовая з’ява, а праца на Расію — гэта нармальны фінальны стан.
Таму я б не здзівіўся, калі б такі правал некалі здарыўся.
-
«Большая частка сядзіць сумленна, але ціха». Павел Вінаградаў пра палітвязняў, чые прозвішчы невядомыя
-
Польскі дыпламат расказаў, як Лукашэнка ўмее «ачароўваць суразмоўцаў» і хто робіцца ягонымі ахвярамі
-
«Дык што вам яшчэ трэба, шаноўныя кіраўнікі ЕГУ?» Севярынец заклікаў беларусізаваць універсітэт, пакуль не позна
Прапагандысты запэўніваюць, што 196 палітвязняў ужо на свабодзе9
Каментары