Моладзь Мінска 25 мая прэзентуе патрыятычны праект «Летам 44-га …», прысвечаны 75-годдзю вызвалення Беларусі ад нямецка-фашысцкіх захопнікаў, паведамілі карэспандэнту БелТА ў Мінскім гарадскім камітэце БРСМ.
Цэнтральнай падзеяй стане рэканструкцыя шэсця партызанскага параду, які 16 ліпеня 1944 году праходзіў у сталіцы з нагоды вызвалення горада ад нямецкай акупацыі на былым гарадскім іпадроме ў раёне вул. Чырвонаармейская. Парад аб'яднаў 30 тыс. чалавек.
З 13.00 да 13.30 па вул. Камсамольская да скрыжавання вул. Кірава з пр. Незалежнасці пройдзе калона з конніцай, партызанамі і падпольшчыкамі — пераапранутымі актывістамі БРСМ. Узначаліць шэсце легендарны казёл па мянушцы Малыш — у 44-м ён стаў адным з талісманаў параду. На імправізаванай трыбуне збяруцца ветэраны, удзельнікі партызанскага руху і парада 1944 года.
Таксама ў 13.00 у скверы на вул. Камсомольская пачнуць працу інтэрактыўныя пляцоўкі. Адкрыюцца зборны пункт ваенкамату, штаб партызанскага руху, партызанскія лагер і шпіталь, камсамольскі падпольны штаб, ваенна-палявая пошта ігд.
Тут жа можна будзе паўдзельнічаць у майстар-класах па страявой падрыхтоўцы, зборцы-разборцы аўтаматаў, стральбе ў ціры. Госці змогуць праехаць на кані, патанчыць вальс і прадэгуставаць салдацкую кашу.
На імправізаванай мабільнай сцэнічнай пляцоўцы адбудзецца канцэрт з удзелам творчых студэнцкіх калектываў. Завершыць свята праграма «Песні ваенных гадоў».
У рэканструкцыі параду возьмуць удзел каля 700 чалавек.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары